Forum

1975 - Mannavan Vandhanadi - Kadhal Rajiyam Enadhu  

  RSS

Parthavi
(@parthavi)
Member Moderator
Joined: 8 months ago
Posts: 7
03/08/2019 11:45 pm  

காதல் ராஜ்ஜியம் எனது - மன்னவன் வந்தானடி - 1975

மெல்லிசை மன்னரின் அயர வைக்கும் மெலடிகளில் இந்தப் பாடலும் ஒன்று. சிவாஜி குதிரை மீது அமர்ந்திருக்க, குதிரை நடந்து செல்வதால் (பக்கத்தில் நடந்து வரும் மஞ்சுளாவின் வேகத்துக்கு!), குதிரையின் குளம்படி ஒசை மெதுவாக ஒலிக்கும் லயத்துடன் பாடல் துவங்குகிறது. குளம்படி லயம் பல்லவியுடன் முடிந்து, பிறகு தபலா ஆதிக்கம் பெறுகிறது. காட்சியமைப்பில் குதிரை மீது வரும் காட்சி பல்லவியுடன் முடிந்து விடுவதால் இவ்வாறு அமைத்திருக்கிறார் எம் எஸ் வி என்று கொள்ளலாம்.

ஒரு பாடலுக்கு இசை அமைக்கு முன் பாடல் காட்சி அமைப்பு பற்றி இயக்குனரிடம் விரிவாகக் கேட்டு அறிந்து கொள்ளும் பழக்கம் மன்னருக்கு இருந்ததால், பல பாடல் காட்சிகள் ரீரிகார்டிங் போல் அமைந்திருப்பதை நான் கண்டு வியந்திருக்கிறேன். இதற்கு இன்னொரு உதாரணம் இந்தப் பாடலிலேயே இருக்கிறது. முதல் prelude துவங்கும்போது மஞ்சுளா சில விநாடிகள் பரத நாட்டியம் ஆடுகிறார். அப்போது interludeஇல் நாட்டிய இசை ஒலிக்கிறது! அவர் நாட்டியம் முடிந்ததும் interlude வயலின் இசைக்கு மாறுகிறது.

சரணத்தில், 'திங்கள் ஒரு கண்ணில்.." என்ற முதல் சற்றுக் குறைந்த pitchஇல் துவங்கி 'தாலாட்டும் பெண்மை இது' என்ற high pitchஇல் முடிகிறது. இரண்டாவது வரி, 'வைகை மலர்ப் பொய்கை" என்று high pitchஇல் துவங்கி, 'நீராட்டும் நேரம்' என்று low pitchஇல் முடிகிறது. காதல் பாடலின் வரிகளை high pitchஇல் கேட்பதும் ஒரு சுகமான இனிமைதான்!

முற்றிலும் வேறு தளத்தில் அமைந்த சரணத்தை எப்படிப் பல்லவியுடன் இணைப்பது? சரணத்தின் மூன்றாவது வரியான 'தென் பாண்டித் தேவனின் அணைப்பு' அனுபல்லவியின் முதல் வரியான 'கண்ணான கண்மணி வனப்பு' அமைந்த அதே மெட்டில் அமைந்திருப்பதைக் காணலாம். இதன் மூலம், high pitchஇல் வேறொரு தளத்தில் அமைந்த சரணத்தை 'அனுபல்லவி ரூட்'டில் சென்று பல்லவியுடன் இணைக்கிறார் இந்த வித்தகர்!

இரண்டாவது சரணத்துக்கு முந்தைய interludeஐ, முதல் interludeஇலிருந்து மிகவும் வேறுபட்ட விதத்தில் அனாயாசமான வீச்சுடன் அமைத்திருப்பது இந்தப் பாடலின் இசையமைப்பின்போது மன்னரின் கற்பனைத் திறன் உச்சத்தில் இருந்ததற்கு இன்னொரு எடுத்துக்காட்டு.

இது போன்ற குதிரைச் சவாரிப் பாடல்கள் சிலவற்றுடன் இதை ஒப்பிடும்போது, ஒற்றுமைகளும், வேறுபாடுகளும் மன்னரின் சிந்தனையையும், அணுகுமுறையையும் ஓரளவு புரிந்து கொள்ள நமக்கு உதவும்.

'அன்பே வா' படத்தில் இடம் பெற்ற 'ராஜாவின் பார்வை ராணியின் பக்கம்' பாடலின் (1966) துவக்கத்தில் வரும் prelude, 'காதல் ராஜ்ஜியம்' பாடலின் prelude இரண்டும் சற்று ஒத்திருப்பதை கவனிக்கலாம். 'ராஜாவின் பார்வையில்,' துவக்கத்திலிருந்து வரும் குளம்பொலிப் பின்னணி இரண்டாவது சரணத்தின் துவக்கத்தில் தபலாவுக்கு மாறுகிறது. ஏனெனில் இப்போது காதலர்கள் சாரட்டிலிருந்து இறங்கி நடனமாடத் துவங்கி விடுகிறார்கள்!

இன்னொரு பாடல் 1963ஆம் ஆண்டு வெளியான 'நெஞ்சம் மறப்பதில்லை'யில் இடம் பெற்ற 'அழகுக்கும் மலருக்கும் ஜாதியில்லை.' இதில் குதிரை வண்டி சற்று வேகமாக ஓடுவதால், தாள கதி சற்று வேகமாக இருக்கும். பாடல் முழுவதிலுமே - பாடல் வரிகள், interlude, prelude எல்லாவற்றிலுமே ஒரு துரித கதியை (ஓட்டத்தை) நாம் காணலாம் (உணரலாம். - காணலாம் என்பதும் பொருத்தமாகத்தான் தோன்றுகிறது!). பாடல் முழுவதுமே குதிரை வண்டியில் சென்றபடி பாடப்படுவதால், குதிரையின் குளம்புச் சத்தமும், அதற்கு இசைவான லயமும் பாடல் முழுவதும் ஒலிக்கும். ஒரு சில இடங்களில் குளம்படிச் சத்தம் இல்லாதது போல் தோன்றினாலும், அதே லயத்தில் தாளம் தொடர்கிறது. நௌஷத் அவர்களின் இந்திப் பாடல் ஒன்றில் இது போன்ற குதிரை ஓட்டத்துக்கு இசைந்த லயத்தைக் கேட்டு அது போன்று அமைக்க வேண்டும் என்று விரும்பி, இந்தப் பாடலை அமைத்ததாக 'என்றும் எம் எஸ் வி' நிகழ்ச்சியில் மன்னர் சொல்லியிருக்கிறார்.

இன்னொரு பாடல் 'மன்னாதி மன்னன்' (1960) படத்தில் இடம் பெற்ற அச்சம் என்பது மடமையடா. (இந்தப் பாடல் youtubeஇல் கிட்டத்த்தட்ட 44 லட்சம் முறை பார்க்கப்பட்டிருக்கிறது!) பாடலில் எம் ஜி ஆர் வேகமாகக் குதிரை வண்டியில் சென்றபடி பாடுகிறார். அதற்கேற்பப் பாடல் முழுவதும் குதிரைக் குளம்படிச் சத்தம் வேகமான கதியில் ஒலிக்கிறது. பாடலும் அதிவேகமாகச் செல்கிறது. 'அச்சம் என்பது மடமையடா' என்று மெதுவாகத் துவங்கி விட்டு, பிறகு குதிரை கிளம்பி வேகம் எடுப்பது போல் பாடலும் வேகம் எடுத்து ஒரே வேக கதியில் செல்கிறது.

இந்தப் பாடல்களில் எல்லாம் குளம்படிச் சத்தம் தவிர மற்ற தாளக் கருவிகள் எப்படிப் பயன் படுத்தப்பட்டிருக்கின்றன, அவை எந்த வகைத் தாளம் போன்றவற்றை இசை/தாள அறிவு கொண்டவர்கள் ஆராயலாம்.

அது போல் 'ஜல் ஜல் எனும் சலங்கை ஒலி,' 'பாரப்பா பழனியப்பா' போன்ற பாடல்களில் மாட்டு வண்டியின் ஓசையை மன்னர் எப்படிக் கையாண்டிருக்கிறார் என்றும் ஆராயலாம்.

'காதல் ராஜ்ஜியம் எனது' பாடலை இங்கே கேட்டு மகிழுங்கள்

 

This topic was modified 2 months ago 2 times by Parthavi

ReplyQuote
K.T.RAMANAN
(@k-t-ramanan)
Eminent Member
Joined: 2 months ago
Posts: 48
22/08/2019 9:09 pm  

மிக அழகாக விமர்சித்துள்ளீர்கள். 

இந்த குழுமத்தில் சேர்ந்த பிறகு இந்த பாடலை விலாவாரியாக அலசி இங்கு பதிவு செய்யவேண்டும் என்று எண்ணியிருந்தேன்.  ஆனால் நீங்கள் முந்திக்கொண்டுவிட்டீர்கள்.  அதில் மகிழ்ச்சியே.  உங்கள் பல பதிவுகளை வலைத்தளத்தில் பார்த்துள்ளேன்.

இந்த பாடலைக்குறித்து நான் அலச இருந்த எண்ணங்களை இங்கு பதிவு செய்கிறேன். 

இதை ஒரு property based பாடலாக எடுத்துக்கொள்ளலாம்.  இந்த பாடலின் main property "குதிரை".  ஆனால் வேடிக்கை என்னவென்றால் நீங்கள் கூறியது போல் "குதிரை" பாடல் நெடுக உலா வருவதில்லை, மறித்து பல்லவியோடு மறைந்து விடுகிறது.  இது போன்று அமையப்பெற்றால் இசை அமைப்பாளர்களுக்கு பெரும் சவால் தான்.  ஏனென்றால் ஆரம்பத்தில் குதிரை இருப்பதால் அதற்குரிய "குதிரை குளம்படி" ரிதத்தோடு தான் பாடலை ஆரம்பிக்கவேண்டும்.  ஆனால், ஒரு குறிப்பிட்ட பகுதிக்கு பிறகு குதிரை காட்சியிலிருந்து மறைந்து விடும் போது பாடலின் ரிதத்ததை மாற்றமுடியாது, ஏனென்றால் ஒன்றுக்கொன்று ஒட்டாமல் போய்விடும் என்பதால்.  அதனால் குதிரை பிறகு காட்சியில் இல்லாவிடிலும் பாடல் முழுக்கவும் அந்த ரிதத்ததை maintain பண்ணியாக வேண்டிய கட்டாயம் இசை அமைப்பாளருக்கு ஏற்பட்டுவிடுகிறது.  இது வந்து காட்சியில் இல்லாத ஒன்றை நினைத்து மெட்டமைப்பது போன்றது.  வேடிக்கையாக சொன்னால் "இருக்கும் ஆனால் இல்லை" என்று சொல்வது போல்.  அப்போது அந்த இசை அமைப்பாளர் மீதி பகுதியை எப்படி கையாள்வார் என்றால் குதிரை குளம்படி ஓசைக்காக பயன்படுத்தும் கொட்டாங்கச்சியை  (பெரும்பாலும் அதை தட்டி தான் அந்த காலத்தில் அப்படி ஒலி எழுப்பியிருந்தார்கள்) தவிர்த்து அதற்க்கு பதில் வேறு percussion கருவிகளை பயன்படுத்துவார்கள் - இது மிகவும் சாமர்த்தியமான, கற்பனைவளமிக்க இசை அமைப்பாளர் செய்வது (மற்றவர்கள் குதிரை மறைந்ததும் ரிதத்தையே மாற்றிவிடுவார்கள், அல்லது அதே குளம்படி ஓசையோடு அதே ரிதத்தை continue செய்வார்கள்).  மன்னர் என்ன சாமானியரானவரா, அதனால் தான் அவர் இந்த யுத்தியை கையாண்டுள்ளார் - பல்லவி முடிந்ததும் கொட்டாங்கச்சியை தவிர்த்து தபாலாவிற்கு தாவி விடுகிறார்.

சார், நீங்கள் கூறிய கருத்தில் ஒரு சிறு திருத்தல் உள்ளது (தவறாக எண்ணவேண்டாம்) - அதாவது prelude பகுதியில் மஞ்சுளா பரதநாட்டியம் ஆடுகிறார் என்று சொல்லியுள்ளீர்கள் அல்லவா, அது அப்படியல்ல -  ராணி / இளவரசி உடையில் அவர் தாவி குதித்து வருகிறார் மன்னர் உடையில் குதிரை மீது பவனி வரும் சிவாஜியை சந்திப்பதற்காக.  இது ஒரு கனவுப்பாடல் - காட்சி என்னவென்பதை விளக்குகிறேன் : மஞ்சுளா சிவாஜியை சந்தித்து தன் காதலை தெரிவிக்கிறார்.  கூடவே, நீங்கள் யார் என்று இதுவரை சொல்லவேயில்லையே என்று கூறுகிறார். அதற்க்கு சிவாஜி "நான் தான் திருமலை, குருதை மீதேறி மருதையை ஆண்டானே திருமலை நாயக்கன், அவன் நான் தான்".  அதை கேட்டதும் மஞ்சுளா கனவு காண ஆரம்பிக்கிறார்.  இருவரும் ராஜா - ராணி உடைகளில் காதல் பாடல் பாடுகிறார்கள்.  Slow motion-னில் சிவாஜி குதிரை மீது வந்துகொண்டிருக்க, அதே slow motion -னில் மஞ்சுளா தாவிக்குதித்து வருகிறார்.  Prelude இசை இதற்க்கு தோதாகத்தான் போட்டுள்ளார் மன்னர்.  இந்த பகுதிக்கு percussion கருவிகளை தவிர்த்துள்ளார் மன்னர் - முக்கிய காரணம் slow motion என்பதால்.  மிகவும் சன்னமாக குதிரை குளம்படி ரிதம் Lead Guitar Chords + Bass Guitar + Triangle இவைகளை பயன்படுத்தி ஒலிக்க செய்துள்ளார் - இதை மிகவும் கூர்ந்து கவனித்தால் புரியவரும். 

Prelude ஆரம்பிப்பது கோரஸ் ஹம்மிங்கோடு.  சிறு ஹம்மிங் ஆறுமுறை வருகிறது. ஒவ்வொரு ஹம்மிங் முடிந்ததும் அதற்க்கு வயலின் + செல்லோ இவைகளின் ஒரு interlude.  அது முடிந்ததும் "Harp "-பில் ஒரு சிறு interlude.  அதற்க்கு பிறகு பன்னிரண்டு முறை நீளமான கோரஸ் ஹம்மிங் ஒலிக்கிறது.  ஒவ்வொரு ஹம்மிங் முடிந்ததும் அதற்க்கு வயலின் + செலோ இவைகளின் interlude. பன்னிரண்டாவது ஹம்மிங் fade out முறையில் நிறைவு பெறுகிறது.  Please observe the variations given in each humming.  முதலில் கூறியது போல் இந்த பகுதிக்கு மிகவும் சன்னமாக குதிரை குளம்படி ரிதம் Lead Guitar Chords + Bass Guitar + Triangle இவைகளை பயன்படுத்தி ஒலிக்க செய்துள்ளார் (Please note that he has cleverly avoided percussions for this session). 

இந்த பாடலில் கவனிக்கவேண்டிய இன்னொரு விஷயம் ரிதத்தில் அவர் கொடுத்திருக்கும் variations / நடைகள்.  பாடலில் குதிரை சம்பந்தப்பட்டுள்ளது என்பதால் குதிரை பல அசைவுகளை தாள நடையில் கையாண்டுள்ளார் அவர் - அதுவும் பாடல் எங்கு படமாக்கப்பட்டுள்ளவோ அந்த பகுதியில் குதிரை பயணித்தால் எப்படி இருக்குமோ அதை மனதில் கண்டுகொண்டே பாடலை வடிவமைத்துள்ளார்.  சீரான ரோட்டில் போகும் போது குதிரையை பயணம் சீராக இருக்கும், அதுவே சிறு குன்றுகள், மலைகள், மற்றும் மேடு பள்ளம் நிறைந்த கரடு முரடான காட்டுப்பாதையில் என்றால் அது வேறுவிதமாக இருக்கும் அல்லவா. இந்த பாடல் காட்சியை பாருங்கள் அப்படிப்பட்ட பகுதியில் தானே படமாக்கியுள்ளார்.  அதனால் பாடல் ஒரே சீராக இல்லாமல் இந்த பகுதியில் குதிரை எப்படி பயணிக்குமோ அது போன்று ஏற்ற இறக்கங்களோடு பாடலை வடிவமைத்துள்ளார்.

இந்த பகுதி ரெகார்டில் கிடையாது.  ரெகார்டில் இதற்க்கு பிறகு ஒலிக்கும் குதிரை குளம்படி ரிதத்தோடு ஆரம்பிக்கும் Prelude -டோடுதான் பாடல் ஆரம்பிக்கும். 

இது சிறு Prelude தான் (அதாவது ரெகார்ட் version ).  இங்கு குதிரை குளம்படி ஓசைக்காக கொட்டாங்கச்சி பயன்படுத்தியிருப்பதை கவனிக்கவும்.  அதோடு Lead Guitar Chords-சில் rhythm ஒலிக்க அதற்க்கு பக்கபலமாக Bass Guitar ஒலிக்கிறது.  இதற்க்கு கான்ட்ராஸ்ட் ஆக வயலின் + செலோ சேர்க்கப்பட்டுள்ளது.  இந்த பகுதியை கவனித்தீர்களானால் சற்று fast ஆக அமைந்துள்ளதாக உணரமுடியும்.  காரணம், திரையில் சிவாஜி குதிரையை சற்று வேகமாக ஒட்டி வருகிறார்!!!!!  அவர் மஞ்சுளாவை நெருங்கும் போது அதன் வேகம் குறைகிறது - கூர்ந்து கவனத்தால் Prelude முடியும் போது ரிதத்தின் வேகமும் குறைவதை உணரலாம்.  அதன் பிறகு பல்லவி ஆரம்பிப்பது slow ஆக - திரையில் பார்த்தால் குதிரை மெதுவாக நடக்க, மஞ்சுளா அதை பிடித்துக்கொண்டு மெதுவாக நடப்பது போல் படமாக்கியுள்ளதை காணலாம். 

MSV அவர்கள் செய்துள்ள மற்றுமொரு நுணுக்கமான விஷயத்தை கூட நாம் கவனிக்கவேண்டும் - அதாவது singing portion ஒரு குறிப்பிட்ட speed -டில் போய்க்கொண்டிருக்க percussion கருவிகள் (கொட்டாங்கச்சி / தபலா, etc ) அதற்க்கு நேர் எதிராக அந்த வேகத்தை (speed ) விட சற்றே கூடுதல் வேகத்துடன் வாசிக்க செய்துள்ளார் (இந்த யுத்தியை அவர் பல பாடல்களில் பயன்படுத்தியுள்ளார் - உதாரணமாக : "கண்ணன் முகம் காண காத்திருந்தாள் ஒரு மாது", "மழைக்காலமும் பனிக்காலமும் சுகமானவை").  இதற்க்கு காரணம் என்னவாக இருக்கக்கூடும் : my perception : பாடிய விதம் - அதை எப்படி படமாக்கப்பட்டிருக்குமோ அதற்க்கு தோதாக.  Percussion portion : காட்சியில் தோன்றும் கதாபாத்திரங்களின் மனதில் நடக்கும் ரசாயன மாற்றங்கள் - அதாவது கட்டுக்கடங்காத அவர்களது ஆனந்தத்தை பிரதிபலிக்கிறது. இவ்வளவு துல்லியமாக கணித்து செயல்படுவதில் மன்னருக்கு நிகர் மன்னர் தான்.

மேலே கூறியது போல் பல்லவி பாடப்பட்ட விதம் குதிரை நடப்பது போல் மெதுவாக பாடப்பட்டுள்ளது.  Guitar chords மற்றும் Bass Guitar அதே வேகத்தில் வாசிக்கப்பட்டுள்ளது.  ஆனால் குதிரைக்குளம்படி ஆசைக்காக பயன்படுத்தியுள்ள கொட்டாங்கச்சியின் ஒலி சற்றே வேகமாக வாசிக்கப்பட்டுள்ளது - அதாவது மெதுவாக ஓடுவது போல் - காரணம் என்னவென்பதை மேலே விளக்கியுள்ளேன்.

First BGM – Contrast to the pallavi this portion is played in double speed – though the movements of the characters are quite limited when compared to the speed of the music, one may wonder why such change in speed – reason for the lesser movements of the characters : simple – the rocky location does not allow for faster movements.  Reason for the speedy BGM – again as stated above : the reflection of their boundless happiness.

Then the charanams – it is in two different tunes viz., “திங்கள் ஒரு கண்ணில்........” என்பதில் துவங்கி "நீராட்டும் நேரம் இது" வரையில் ஒரு மெட்டும், அதற்க்கு பிறகு வரும் "தென்பாண்டி தேவனின் அணைப்பு ........" என்பதில் துவங்கி "உள்ளம் கொள்ளாத ஆனந்த தவிப்பு" வரையில் வேறொரு மேட்டிலுமாக அமைந்துள்ளது.  இது குதிரையின் வேறு வேறு விதமான movement -டை அடிப்படையாக கொண்டு அமைக்கப்பட்டுள்ளது.  அதாவது முதல் பகுதி குதிரை "குதித்து குதித்து" தாவி போவது போலவும் (listen to the way “திங்கள் ஒரு கண்ணில்........”, and the similar portions in second charanam has been sung by the singers – “தி.....ங்.....கள்  ஒரு  க....ண்....ணில், குளிர் தெ....ன்....றல் மறு க....ண்....ணில், தாலாட்டும் பெண்மை இது and the portion sung by TMS - அதாவது "......." என்று கொடுத்திருக்கும் இடங்களில் அவர்கள் கொடுத்திருக்கும் "jerk / jump "-பை கவனிக்கவும்.  அதற்க்கு பிறகு வரும்"தென்பாண்டி தேவனின் அணைப்பு ........" பகுதியில் தாவல் / கொதிப்பை நிறுத்தி குதிரை மெதுவாக நடப்பது போன்ற மெட்டில் அமைக்கப்பட்டுள்ளது.  Listen to the way he transforms from one rhythm to the other so smoothly without any disturbance.

Second BGM – Here he uses Violins more – the reason again the terrain at which it has been filmed – here the characters can move freely and briskly!!!!!

All in all a classic song in all aspects.

I am sharing the following video, wherein the prelude which I mentioned in the beginning can be seen / heard, to enable all to understand the song completely.

 

https://www.youtube.com/watch?v=EMPVtUf42Dc

This post was modified 2 months ago by K.T.RAMANAN

ReplyQuote
Share:
  
Working

Please Login or Register